छत्रपती संभाजी नगर (औरंगाबाद ) महानगरपालिका ठळक निर्णय असा निर्णय प्रत्येक नगरपालिकेने घेणे आवश्यक आहे...

जा.क्र./मनपा/शिक्षण/दिव्यांग /२०२१/ कार्यालय, महानगरपालिका औरंगाबाद दिनांक :- :- २५/०३/२०२१

बैठकीचे इतिवृत्त :-

विषय :- दिव्यांगांसाठी राखीव निधीचा विनियोग करणेसाठी शासन निर्णयातील प्रयोजनांची अंमलबजावणी करण्यासाठी नियमावली अंतिम करणेबाबत गठीत समितीची बैठक

स्थळ :- मा. अतिरीक्त आयुक्त-१ यांचे दालन दिनांक व वेळ: २५ मार्च २०२१ वेळ दुपारी ३.०० वाजता

शासन निर्णय क्र. संकीर्ण २०१५/प्र.क्र. ११८ /नवि- २० दि. २८/१०/२०१५ मध्ये नमूद मार्गदर्शक सूचना व प्रयोजनानूसार सन २०२० -२१ च्या अर्थसंकल्पात तरतूद उपलब्ध केली असल्याचे जाहीर प्रगटन दि. १३/१०/२०२० रोजी प्रसिध्द करण्यात आलेले आहे. तसेच कार्यालयीन आदेश क्र. मनपा/मआ/स्वीस/२०२०/३५६ दि. १६/१०/२०२० अन्वये शासन निर्णयातील प्रयोजनांची अंमलबजावणी करणेसाठी संबंधीत विभागांना नियमावली तयार करणेबाबत आदेशीत करण्यात आले होते. त्यानूसार विभागांनी सादर केलेल्या नियमावलीवर जाहीर प्रगटन जा. क्र. मनपा/शिक्षण/२०२१/०२ दि. २०/०१/२०२१ द्वारे मा. प्रशासक महोदय यांच्या आदेशान्वये योजनानिहाय अटी व शर्तीवर सुचना व हरकती मागविण्यात आल्या होत्या. प्राप्त आक्षेप व हरकतीवर समितीमध्ये चर्चा करण्यात येऊन नियमावलीच्या अटी व शर्ती खालीलप्रमाणे अंतिम करण्यात आल्या. अंतिम केलेल्या अटी व शर्तीनुसार प्राप्त अर्जावर प्रशासकीय मान्यता घेऊन संबंधीत विभागामार्फत नियमानूसार कार्यवाही करण्यात येईल असे ठरले.

सन २०१९-२० मध्ये लाभ घेतलेल्या ८२७ दिव्यांगांना सन २०२०-२१ च्या आर्थिक वर्षातील योजनांचा लाभ देणेसाठी वगळण्यात यावे असे ठरले. एका आर्थिक वर्षात एका दिव्यांग व्यक्तीला एकाच योजनेचा लाभ मिळेल. मतिमंद हे इतर व्यक्तींवर अवलंबून असतात त्यामुळे त्यांना टक्केवारीची अट शिथील करण्यात येते. शासकीय सेवेचा लाभ घेणा-या दिव्यांगांना सदर योजनांचा लाभ देय असणार नाही तसेच कालानुरूप योजनांमध्ये गठीत समितीमार्फत केलेले बदल मा. प्रशासक महोदय यांचे मान्यतेने लागू राहतील.

सर्व योजनांसाठी Commen अटी व शर्ती खालीलप्रमाणे :

१) अर्जदार दिव्यांग व्यक्ती हा औरंगाबाद महानगरपालिका हद्दीतील रहिवाशी असावा. (आधार

कार्ड आणि १८ वर्षावरील दिव्यांग व्यक्तींचे निवडणूक ओळखपत्र आवश्यक)

२) अपंगत्व ४० % च्या वर असावे. यासाठी सक्षम प्राधिकरणाचे प्रमाणपत्र अनिवार्य राहील.

(३) संबंधीत दिव्यांगांनी महानगरपालिकेच्या झोन कार्यालयात दिव्यांग प्रमाणपत्रासह नोंदणी करणे

बंधनकारक राहील.

४) सर्व योजनांमध्ये देण्यात येणारे अर्थसहाय्य अथवा भत्ता हा लाभार्थ्यांच्या थेट बँक खात्यात वर्ग करणेसाठी बँक पासबूकची छायांकीत प्रत जोडणे आवश्यक आहे. (पासबुक छायांकित प्रतीत IFS CODE / ACCOUNT No. स्पष्टपणे दिसेल याची दक्षता घ्यावी.)

वरील अटी व शर्ती व्यतिरीक्त योजना निहाय अटी व शर्ती खालीलप्रमाणे :