दिव्यांगाना ST महामंडळाचा मोठा दिलासा.....

 

     

  महाराष्ट्र राज्य मार्ग परिवहन महामंडळ

वाहतूक खाते, मध्यवर्ती कार्यालय, वाहतूक भवन,       डॉ. आनंदराव नायर मार्ग, मुंबई- ४००००८ 

            दूरध्वनी क्र. ०२२-२२०२३९००.

        email: gmtraffic@msrtc.gov.in

प्रति,

       विभाग नियंत्रक,

   रा.प. मुंबई / पालघर/ रायगड (पेण)/ रत्नागिरी / सिंधुदूर्ग/ ठाणे/ नाशिक धुळे/ जळगांव / अहमदनगर/ पुणे/ कोल्हापूर/ सांगली/ सातारा/ सोलापूर/ छत्रपती संभाजीनगर/ बीड/ जालना/ लातूर/ नांदेड / धाराशिव / परभणी/नागपूर/ भंडारा/चंद्रपूर गडसी/अकोला /अमरावती/पतमाळ / पुरुदाणा विभाग

विषय:- दिव्यांग लाभाथ्र्यांस वैश्विक ओळखपत्राच्या रंगीत झेरॉक्स प्रतीवर रा. प. प्रवासात सवलत अनुज्ञेय करणेबाबत.

संदर्भ :- 

१. क्र. राप / वाह/सवलत /अंध-अपंग/४६३५, दिनांक १८.०९.२०१९ 

२.क्र. राप/वाह/सवलत / १०४७, दिनांक ११.०५.२०२२

३.क्र. राप/वाह / सवलत / २७३१, दिनांक ०६.१०.२०२२

४.क्र. राप / वाह/ सवलत/ ३७२५, दिनांक २६.१२.२०२२

५.क्र. राप / वाह/ सवलत / २४४५, दिनांक २२.०६.२०२३

६. सक्षम न्यायाधिकारी तथा आयुक्त, दिव्यांग कल्याण आयुक्तालय, महाराष्ट्र राज्य, पुणे

यांचे पत्र क्र.दिकआ /प्र- ७/ मराअकसं / रायगड / २०२३ २४ / पुणे, दि. २८.०७.२०२३

गृह विभाग शासन निर्णय क्र. एसटीसी- १०१७ /प्र.क्र.५२५/परि-१ / दिनांक ०९.१०.२०१८ अन्वये ४० टक्के तसेच त्यापेक्षा जास्त अपंगत्व असलेल्या दिव्यांग लाभार्थ्यांना रा.प. महामंडळाच्या साध्या तसेच निमआराम बसेसमध्ये ७५ टक्के सवलत अनुज्ञेय करण्यात आली असून ६५ टक्के किंवा अधिक अपंगत्व असलेल्या लाभार्थ्यांच्या साथीदारास ५० टक्के प्रवास सवलत अनुज्ञेय करण्यात आली आहे. सदर शासन निर्णयाच्या अनुषंगाने या कार्यालयाचे पत्र क्र. राप / वाह/सवलत /अंध-अपंग/४७३०, दिनांक १२.१०.२०१८ अन्वये सर्व विभागीय कार्यालयांस परिपत्रकीय सूचना निर्गमित करण्यात आल्या आहेत.

वाहतूक खाते परिपत्रक क्र.४/२०१९, पत्र क्र.राप/वाह/सवलत / १२७३, दिनांक ०५.०३.२०१९ अन्वये दिव्यांग लाभाथ्र्यांस व त्यांचे साथीदारास शिवशाही [आसनी] बसेसमध्ये अनुक्रमे ७० टक्के व ४५ टक्के सवलत अनुज्ञेय करण्यात आली.

अपंग व्यक्ती हक्क अधिनियम २०१६ च्या अनुषंगाने केंद्र शासनाने दिव्यांग व्यक्तींना वैश्विक ओळखपत्र व अपंगत्वाचे प्रमाणपत्र देण्याची कार्यवाही सुरु केली आहे. परंतु सदरचे देण्यात येणारे वैश्विक ओळखपत्र प्रवासादरम्यान सवलतीकरीता ग्राहय धरण्यात येत नसल्याचे तक्रारी या कार्यालयास प्राप्त होत आहेत.

सदर तक्रारींच्या अनुषंगाने या कार्यालयाच्या वरील संदर्भिय पत्रांद्वारे दिव्यांग लाभार्थ्यांना प्रवास सवलतीकरीता केंद्र शासनाद्वारे देण्यात येणारे वैश्विक ओळखपत्र ग्राहय धरण्याबाबत विभागीय कार्यालयांस कळविण्यात आले आहे.

परंतु अद्यापही काही लाभार्थ्यांस मुळ दिव्यांग वैश्विक ओळखपत्र (UDID) प्राप्त झाले नसल्याने सदर लाभाथ्र्यांकडून शासनाच्या संकेतस्थळावरुन प्राप्त करुन घेतलेले रंगीत झेरॉक्स प्रत रा.प. प्रवासामध्ये सवलत मिळणेकरीता ग्राहय धरणेबाबतची निवेदने या कार्यालयास प्राप्त होत आहेत.

सदर तक्रारींच्या अनुषंगाने सक्षम न्यायाधिकारी तथा आयुक्त, दिव्यांग कल्याण आयुक्तालय, महाराष्ट्र राज्य, पुणे यांनी त्यांचे वरील संदर्भिय पत्राद्वारे दिव्यांग लाभार्थ्यांस वैश्विक ओळखपत्र, दिव्यांगत्व प्रमाणपत्र यांच्या मुळ प्रत किंवा झेरॉक्स प्रत किंवा शासनाच्या डिजी लॉकर प्रणालीवरील प्रतीवर रा. प. प्रवासात सवलत अनुज्ञेय करण्याबाबत कळविले आहे.

तरी आपणांस याद्वारे कळविण्यात येते की, आपल्या विभागातील सर्व आगार व्यवस्थापक, पर्यवेक्षकीय कर्मचारी तसेच वाहक यांना दिव्यांग लाभार्थ्यांस वैश्विक ओळखपत्र, दिव्यांगत्व प्रमाणपत्र यांच्या मुळ प्रत किंवा झेरॉक्स प्रत किंवा शासनाच्या डिजी लॉकर प्रणालीवरील प्रतीवर रा. प. प्रवासात सवलत अनुज्ञेय करण्याबाबत सूचना देण्यात याव्यात. याबाबत कोणतीही प्रवासी तक्रार उद्भवणार नाही याची दक्षता घेण्यात यावी. सदरची बाब अत्यंत महत्त्वाची समजून कार्यवाही करण्यात यावी.

प्रत रवाना- मा. सक्षम न्यायाधिकारी तथा आयुक्त, दिव्यांग कल्याण आयुक्तालय, ३ चर्च रोड, महाराष्ट्र राज्य, पुणे यांना माहिती करिता.

Like: 

तुम्हाला दिव्यांगा विषयी अधिक माहिती पाहिजे असेल तर ग्रुप जॉईन करा.